నిరుపేదలకు ఆధునిక వైద్యం అందించాల్లన్నదే లక్ష్యం.

-ఎంపీ డాక్టర్ బైరెడ్డి శబరి ఉచిత వైద్య శిబిరంకు విశేష స్పందన

నందికొట్కూరు. ఏప్రిల్ 20 . (నంది పత్రిక ):నిరుపేదలకు ఆధునిక వైద్యం అందించాల్లన్నదే లక్ష్యమని నంద్యాల ఎంపీ డాక్టర్ బైరెడ్డి శబరి, ఆమె భర్త డాక్టర్ శివచరణ్ రెడ్డిలు అన్నారు.నంద్యాల జిల్లా నందికొట్కూరు నియోజకవర్గం కొణిదేల గ్రామంలో రాష్ట్ర ముఖ్యమంత్రి నారా చంద్రబాబు నాయుడు 75 వ జన్మదినాన్ని పురస్కరించుకొని ఎంపీ డాక్టర్ బైరెడ్డి శబరి, ఆమె భర్త డాక్టర్ శివ చరణ్ రెడ్డిల ఆధ్వర్యంలో ఉచిత మెగా వైద్య శిబిరం ఆదివారం నిర్వహించచారు.చంద్రబాబు పుట్టినరోజు సందర్బంగా వైద్య శిబిరం వద్దనే టీడీపీ నాయకులు, బైరెడ్డి అభిమానుల సమక్షంలో భారీ కేక్ కట్ చేసి సీఎం చంద్రబాబుకు నంద్యాల ఎంపీ డాక్టర్ బైరెడ్డి శబరి, ఆమె భర్త డాక్టర్ శివ చరణ్ రెడ్డి తదితరులు శుభాకాంక్షలు చెప్పారు. ఈ ఉచిత మెగా వైద్య శిబిరంలో హైదరాబాద్ కు చెందిన వివిధ విభాగాల వైద్య నిపుణులు డాక్టర్ సోమేశ్వరరెడ్డి, డాక్టర్. కె ఎస్ సోమేశ్వరరావు, డాక్టర్ జితేందర్ జైన్, డాక్టర్. బి. అనుషా, డాక్టర్. మల్లికార్జున, డాక్టర్. జగన్మోహన్ రెడ్డి, డాక్టర్ బైరెడ్డి శబరి, డాక్టర్ శివ చరణ్ రెడ్డిలు రోగులకు వైద్య సేవలు అందించారు. రక్తం, గళ్ళ, బి పి, షుగర్ తదితర పరీక్షలు కూడా ఉచితంగా అందించారు. కొనిదేల, నాగటూరు, బిజినేముల, నెహ్రూ నగర్, ఎల్లాల, వనములపాడు, లక్ష్మాపురం, పగిడ్యాల, పాత, కొత్త ముచ్చుమర్రి గ్రామాల నుంచి వందల సంఖ్యలో రోగులు ఎంపీ శబరి ఏర్పాటు చేసిన ఉచిత వైద్య శిబిరంకు వచ్చారు. వైద్య శిబిరంకు వచ్చిన పేద రోగులకుకు పరీక్షలు, ఉచితంగా అవసరమైన మందులు, భోజన వసతులు ఎంపీ డాక్టర్ బైరెడ్డి శబరి, ఆమె భర్త డాక్టర్ శివచరణ్ రెడ్డి లు కల్పించారు. కర్నూలు సుశీల నేత్రాలయం వైద్య బృందం, చిన్న పిల్లల వైద్య బృందాలు రోగులకు వైద్య సేవలు అందించారు.ఈ సందర్బంగా ఎంపీ డాక్టర్ బైరెడ్డి శబరి మాట్లాడుతూ ప్రజలందరి దీవెనలు రాష్ట్ర ముఖ్యమంత్రి నారా చంద్రబాబు నాయుడుకు ఉండాలని, మంచి పాలన అందించేందుకు సీఎం కు మనోభలం, దైర్యం ప్రజలు ఇవ్వాలని ఆమె కోరారు.