మ్యాన్ హాల్ కు మరమత్తులు చేపట్టండి
విద్యార్థుల ప్రాణాలతో చలగాటం ఆడొద్దు.
-మ్యాన్ హాల్ కు మరమత్తులు చేపట్టండి
-పట్టించుకోని అధికారులు ,నాయకులు
నంద్యాల ప్రతినిధి. డిసెంబర్ 04 . (నంది పత్రిక ):నంద్యాల పట్టణంలో లక్షలు,లక్షలు పన్నులు చెల్లిస్తున్న మౌళికసదుపాయలు కల్పించడంలో రాజకీయ నాయకులు,అధికారులు ఘోరంగా విఫలం అయ్యారు.పేరు గొప్ప ఊరు దిబ్బ అన్న చందంగా చిన్నపాటి గుంతలు కూడా పూడ్చలేని పరిస్థితి నంద్యాల మున్సిపాలిటీ ది.నంద్యాల కంటే గ్రామీణ ప్రాంతాలు మేలు అన్న విధంగా తయారైంది.వివరాల్లోకి వెళితే పాల్ టెక్నిక్ కలా శాల, భరతమాత దేవాలయం నుండి బాలాజీ కాంప్లెక్స్ వెళ్లే దారిలో ఉన్న మ్యాన్ హాల్ కు పైన ఉన్న ప్లేట్ లేదని మూడు నెలలుగా మున్సిపల్ అధికారుల దృష్టికి,సచివాలయం సిబ్బందికి,వార్డ్ కౌన్సిలర్ కు సమస్యను వివరించినా ఫలితం శూన్యంగా మారింది.రోజు కళాశాలకు, స్కూల్ కు వెళ్ళేవారు,రాత్రి వేళల్లో అటు వైపు వెళ్లే వారు మ్యాన్ హాల్ కనపడక ప్రమాదాల భారిన పడ్డారు.పలువురు విద్యార్థులకు , వృద్ధుల కు తీవ్ర గాయాలు అయినట్టు తెలుస్తోంది.నిన్న రాత్రి ముగ్గురు విద్యార్థులు క్రింద పడినట్టు తెలుస్తోంది.పిర్యాదు చేస్తే మున్సిపల్ అధికారులు దురుసుగా మాట్లాడుతున్నారని,నిధులు లేవు ఎవరికి చెప్పుకుంటారో చెప్పుకోండి అని కాసురుకుంటున్నారని ప్రజలు ఆరోపిస్తున్నారు.నంద్యాల నేతలు అంటే మున్సిపల్ అధికారులు పుచిక పుల్లలా తీసివేస్తున్నారనే ఆరోపణలు వినిపిస్తున్నాయి.కొందరు అధికారులు ఏకంగా లక్షలు ఇచ్చి పోస్టింగ్స్ తెచ్చుకున్నామని ,డబ్బులు ఊరికే రావు అంతా మా ఇష్టం అని అధికారులు ప్రవర్తిస్తున్నారు.అధికారులు చర్యలు తీసుకోవాలని ప్రజలు కోరుతున్నారు.
About The Author
Comment List