అణు శక్తి కన్నా యువ శక్తి మిన్న 

అణు శక్తి కన్నా యువ శక్తి మిన్న 

విజన్ 2047 లక్యంగా యువత పనిచేయాలి.

చెడు అలవాట్లకు యువత దూరంగా ఉండాలి.

స్వామి వివేకానందను యువత ఆదర్శంగా తీసుకోవాలి.
 
- నంద్యాల ఎంపీ డాక్టర్ బైరెడ్డి శబరి 
నంద్యాల ప్రతినిధి. డిసెంబర్ 29 . (నంది పత్రిక ):అణు శక్తి కన్నా యువ శక్తి మిన్న అని, 2047 విజన్ లక్యంగా యువత ముందుకు సాగాలని, స్వామి వివేకానంద చూపిన ఆదర్శ బాటలో యువత పనిచేస్తూ దేశాభివృద్ధిలో భాగస్వాములు  కావాలని నంద్యాల పార్లమెంట్ సభ్యురాలు, లోక్ సభ టీడీపీ డిప్యూటీ ఫ్లోర్ లీడర్ డాక్టర్ బైరెడ్డి శబరి పిలుపు నిచ్చారు.ఆదివారం నంద్యాల శ్రీ రామకృష్ణ పి జీ కళాశాల ఆడిటోరియంలో నంద్యాల జిల్లా నెహ్రూ యువ కేంద్రం ఆధ్వర్యంలో  యువ 2024 ఉత్సవ్ కార్యక్రమం జరిగింది.ముఖ్య అతిథిగా పాల్గొన్న ఎంపీ డాక్టర్ బైరెడ్డి శబరి మాట్లాడుతూ యువత, విద్యార్థులకు విలువలతో కూడిన విద్య అవసరం అన్నారు. చెడు అలవాట్లకు బానిసై మంచి జీవితాలను నాశనం చేసుకోవద్దని యువత కు ఎంపీ శబరి చూసించారు. ప్రపంచం భారతదేశం వైపు చూస్తున్నాయని, ఆగ్రగామి దేశాలకు దీటుగా భారత్ అభివృద్ధి చెందుతోందని, ఇది యువత వల్లే సాధ్యం అని మరువవద్దని ఎంపీ శబరి అన్నారు.ప్రధానమంత్రి నరేంద్ర మోడీ, రాష్ట్ర ముఖ్యమంత్రి నారా చంద్రబాబు నాయుడు యువతకు అధిక ప్రాధాన్యత ఇస్తూ వారికీ వివిధ రంగాలలో నైపుణ్యం కలిగించేందుకు ప్రత్యేక శిక్షణ అందిస్తున్నారని ఈ మంచి అవకాశం యువత సద్వినియోగం చేసుకోవాలని ఆమె పిలుపు నిచ్చారు.
నంద్యాల శ్రీ రామకృష్ణ విద్యా సంస్థల్లో  విలువలతో కూడిన విద్య అందించడం సంతోషంగా ఉందని, వారసత్వ రాజకీయంతో పాటు ఉన్నత చదువు, సంస్కారం, మనో దైర్యం ఎంతో అవసరం అన్నారు. మా  అమ్మ, నాన్నల దీవెనలతో ముందుకు సాగుతున్నానని, నంద్యాల జిల్లా అభివృద్ధిలో  యువత భాగస్వామ్యం పెరగాలని ఆమె కోరారు.